Անահիտ Բեգլարյան

Անահիտ Բեգլարյան
Ծնվել է	սեպտեմբերի 4, 1968 (56 տարեկան); Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և Հայաստան
Մասնագիտություն	գիտնական
Ալմա մատեր	Երևանի անասնաբուծական-անասնաբուժական ինստիտուտ (1991)
Կոչում	պրոֆեսոր
Գիտական աստիճան	տեխնիկական գիտությունների դոկտոր (2004)
Տիրապետում է լեզուներին	հայերեն
Հայր	Ռազմիկ Բեգլարյան

Վիքիպեդիայում կան հոդվածներ Բեգլարյան ազգանունով այլ մարդկանց մասին։

Անահիտ Ռազմիկի Բեգլարյան (սեպտեմբերի 4, 1968(1968-09-04), Երևան, Հայկական ԽՍՀ, ԽՍՀՄ), կաթնագործության բնագավառի հայ գիտնական։ Տեխնիկական գիտությունների դոկտոր (2004), պրոֆեսոր (2008): «Կանաց ֆորում» հասարակական կազմակերպության ղեկավար (2000-2003):

Ռազմիկ Բեգլարյանի դուստրը։

Կենսագրություն

Անահիտ Բեգլարյանը ծնվել է 1968 թվականի սեպտեմբերի 4-ին, Երևանում։ 1986-1991 թվականներին սովորել և ավարտել է Երևանի անասնաբուծական-անասնաբուժական ինստիտուտի կաթի և կաթնամթերքների տեխնոլոգիայի ֆակուլտետը` «Կաթի և կաթնամթերքների ինժեներ-տեխնոլոգ» որակավորմամբ։ 1991-1994 թվականներին Երևանի անասնաբուծական-անասնաբուժական ինստիտուտի կաթի և կաթնամթերքների պրոբլեմային լաբորատորիայում եղել է գիտաշխատող, 1994-1997 թվականներին՝ Հայկական գյուղատնտեսական ինստիտուտի կաթի և կաթնամթերքների տեխնոլոգիայի ամբիոնի հայցորդ, 1994-1998 թվականներին՝ ՀԳԻ Կաթի և կաթնամթերքների լաբորատորիայի գիտաշխատող, 1998-2002 թվականներին՝ ՀԳԱ Սննդի արդյունաբերության սարքավորումների փաթեթավորման տեխնոլոգիայի ամբիոնի ասիստենտ, 2007 թվականից՝ Հայաստանի գործատուների հանրապետական միության բաժնի վարիչ, 2008 թվականից՝ ՀԱԱՀ Սննդի արդյունաբերության սարքավորումների փաթեթավորման, կաշվի և մորթու տեխնոլոգիայի ամբիոնի պրոֆեսոր, 2009 թվականից՝ ՀԱԱՀ Սննդի արդյունաբերության սարքավորումների փաթեթավորման, կաշվի և մորթու տեխնոլոգիայի ամբիոնի վարիչ^[1]^[2]։

Աշխատանքները վերաբերում են կաթնաթթվային մանրէների ֆիզիոլոգաձևաբանական, կենսատեխնոլոգիական հատկությունների և կաթնամթերքների որակի վրա մագնիսական դաշտի ազդեցությանը։ Առաջինն է մշակել և ներդրել սոյայի և կովի կաթի խառնուրդից կաթնամթերքների արտադրության նոր տեխնոլոգիաներ։ Համահեղինակ է «Կաթի և կաթնամթերքների տեխնոլոգիա» (2003) ուսումնական ձեռնարկի^[3]։ Հեղինակ է գիտական աշխատությունների և մեթոդական աշխատանքների, մենագրության, դասագրքերի, հեղինակային իրավունքների և ՀՀ արտոնագրերի։ Դոկտորական ատենախոսությունը պաշտպանելուց հետո տպագրել է գիտական հոդվածներ, ՀՀ արտոնագիր և մեթոդական աշխատանքներ։ Գիտական հետազոտությունները վերաբերում են սոյայի օգտգործմանը սննդի արդյունաբերության մեջ։

Անդամակցություն

«Ե. 1802 Կենդանական ծագման մթերքների վերամշակման և արտադրության տեխնոլոգիա» մասնագիտական խորհուրդ, անդամ։
USAID-ի DAI ASME-project, անդամ (1999-2008)։

Երկեր

Սոյայի անթափոն օգտագործումը սննդի արդյունաբերության մեջ։ Գիտամեթոդական ձեռնարկ, Երևան, ՀԳԱ, 2002^[4]^[5]։
Կաթի և կաթնամթերքների տեխնոլոգիա։ Ուսումնական ձեռնարկ, Երևան, Ա. հ., 2003 (համահեղինակ)^[5]։
Կաթի կաթնամթերքների և մանկական սննդի տեխնոլոգիա։ Ուսումնական ձեռնարկ, Երևան, ՀՊԱՀ, 2008 (համահեղինակ)^[6]։
Ճյուղի ձեռնարկությունների նախագծում և սանտեխնիկա։ Ուսումնական ձեռնարկ, Երևան, «Նահապետ», 2011 (համահեղինակ)^[7]։

Տես նաև

Կաթնագործությունը Հայաստանում

Ծանոթագրություններ

↑ «Բեգլարյան Անահիտ Ռազմիկի ։». persons.anau.am. Վերցված է 2019 թ․ հուլիսի 21-ին.
↑ Administrator. «Անահիտ Ռազմիկի Բեգլարյան». anau.am. Արխիվացված է օրիգինալից 2019 թ․ հուլիսի 21-ին. Վերցված է 2019 թ․ հուլիսի 21-ին.
↑ Ով ով է. Հայեր. Կենսագրական հանրագիտարան, հատոր առաջին, Երևան, 2005։
↑ Բեգլարյան, Անահիտ Ռազմիկի (2002). Սոյայի անթափոն օգտագործումը սննդի արդյունաբերության մեջ։ Գիտամեթոդական ձեռնարկ/. ՀԳԱ. ISBN 9789993090526.
↑ ^5,0 ^5,1 Բեգլարյան, Անահիտ Ռազմիկի (2002). Սոյայի անթափոն օգտագործումը սննդի արդյունաբերության մեջ։ Գիտամեթոդական ձեռնարկ. Երևան: ՀԳԱ. ISBN 9789993090526.
↑ Բեգլարյան, Ռազմիկ Արշակի; Բեգլարյան, Անահիտ Ռազմիկի (2008). Սարգսյան, Ռ Թ (ed.). Կաթի, կաթնամթերքի և մանկական սննդի տեխնոլոգիա։ Ուսումնական ձեռնարկ. Երևան: ՀՊԱՀ. ISBN 9789939540597.
↑ Բեգլարյան, Ռազմիկ Արշակի; Դաշտոյան, Ա Լ; Արաքսյանց, Անդրեյ Էդուարդի; Բեգլարյան, Անահիտ Ռազմիկի, eds. (2011). Ճյուղի ձեռնարկությունների նախագծում և սանտեխնիկա։ Ուսումնական ձեռնարկ. Երևան: Նահապետ.

Վիքիդարանն ունի նյութեր, որոնք վերաբերում են «Անահիտ Բեգլարյան» հոդվածին։

[1] «Բեգլարյան Անահիտ Ռազմիկի ։». persons.anau.am. Վերցված է 2019 թ․ հուլիսի 21-ին.

[2] Administrator. «Անահիտ Ռազմիկի Բեգլարյան». anau.am. Արխիվացված է օրիգինալից 2019 թ․ հուլիսի 21-ին. Վերցված է 2019 թ․ հուլիսի 21-ին.

[3] Ով ով է. Հայեր. Կենսագրական հանրագիտարան, հատոր առաջին, Երևան, 2005։

[4] Բեգլարյան, Անահիտ Ռազմիկի (2002). Սոյայի անթափոն օգտագործումը սննդի արդյունաբերության մեջ։ Գիտամեթոդական ձեռնարկ/. ՀԳԱ. ISBN 9789993090526.

[Բեգլարյան_2002-5] 5,0 ^5,1 Բեգլարյան, Անահիտ Ռազմիկի (2002). Սոյայի անթափոն օգտագործումը սննդի արդյունաբերության մեջ։ Գիտամեթոդական ձեռնարկ. Երևան: ՀԳԱ. ISBN 9789993090526.

[6] Բեգլարյան, Ռազմիկ Արշակի; Բեգլարյան, Անահիտ Ռազմիկի (2008). Սարգսյան, Ռ Թ (ed.). Կաթի, կաթնամթերքի և մանկական սննդի տեխնոլոգիա։ Ուսումնական ձեռնարկ. Երևան: ՀՊԱՀ. ISBN 9789939540597.

[7] Բեգլարյան, Ռազմիկ Արշակի; Դաշտոյան, Ա Լ; Արաքսյանց, Անդրեյ Էդուարդի; Բեգլարյան, Անահիտ Ռազմիկի, eds. (2011). Ճյուղի ձեռնարկությունների նախագծում և սանտեխնիկա։ Ուսումնական ձեռնարկ. Երևան: Նահապետ.

[1]

[2]

[3]

[4]

[5]

[6]

[7]